جديد الموقع

Loading...

الثلاثاء، 7 فبراير، 2017

شوفو رجيلاتي تعرفو باللي هاد الوصفة نتيجتها رائعة ومغتندموش الى جربتوها غتوليو مدمنين عليها

السلام عليكم ورحمة الله وبركاته. صباحكوم مبروك اخواتي ان شاء الله تكونو بخير كولكوووووم.
هاد الصباح بغيت نشارككوم بوصفة معتمدة عندي .جربتها والصراحة نتيجتها عجباتني بزاف.
دائما وابدا وصية لنفسي ولاخواتي مافيها باس نتهلاو فانفسنا مرة مرة ونحيدو العڭز ونوقفو تسجيل الوصفات في الكتوبا بلا مانطبقوهوم.
باذن الله نخليكوم مع الصور والشرح هي بسييييييييييييطة وموادها موجودين في اي بيت مغربي:
نحتاجو للخميرة ديال العجينة+تحميرة+صابون بلدي+جوج پلاستيكات+وجوج تقيشرات.وجوج رجليهطبعا ههههههههه.

كندوبو الخميرة فشووووووية دالما نخليوها تخمر غير شوية ونخلطوها معا التحميرة والصابون البلدي وندهنو رجلينا بالخليط ونلبسوهوم پلاستيكات ثم تقيشرات



ملحوظة راه ملعقة ضغيرة غتقدكوم ويشيط الخير عنداكوم تكترو

ونشقاو شي نصف ساعة غتلاحظو انا رجليكوم كيعرقو من بعد نصف ساعة دخلو للحمام ورشو رجيلاتكوم بماء سخون وحكوهوم بالحجرة الخاصة بالڭدام والضفار بالشيتة حت اكيد غيدخل ليهوم الخليط وفي الاخير شللوهوم وعاودو بشوية الصابون والماء ونشفوهوم ودهنوهوم باي مرطب عندكوم انا كنفضل عزيزي الڤازلين ولبسوهوم تقيشرات وكملو على شقاكوم.

هاد العملية ديروها 2 مرات في الاسبوع وغتلاحظو ان الرجيلات ولاو رطبييييييييييييين وحميمريييييييييييييين ولي عندها تشققات غيبداو يتحيدو لكن مع المداومة راه قالو ناس زمان الدوام كيتقب الرخام.

وفي الاخير كنتمني ليكوم نهار مليء بالطاعات وماتنساوش اختكم من الدعاء ودآآآائما لكن اجر مضاعف.



إقرأ أيضا