جديد الموقع

Loading...

الثلاثاء، 28 فبراير، 2017

احلى موضوع مر علي بحياتي تجربتي مع العنايه بشعري شي لايصدق !!!!

مراحب اخواتي العزيزات علي 
اليوم ولعيون احلام الغاليه وعيونكم حبيت انقل لكم تجربتي مع تكثيف شعري وتطويله ابدأ بسم الله :
اولا بديت اجلس بشكل يومي وادلك شعري بزيت شابينا الرائع الحمدلله اني استدليت عليه اخيرا , صرت اخذ نصايح الهنديه جارتنا باني اجلس فترة ربع ساعه او عشر دقايق بس ادلك شعري بهدوء تااام علشان انشط بصيلات شعري واحفزه على النمو .بعدها اخذ مشط حوافه تكون زي الكور ماتجرح فروة راسك اقصد بروش مش مشط يشربك راسي , اجلس امشط شعري من ورى لقدام وانا راسي تحت ومن اليمين الى اليسار لمدة 5 دقايق علشان الدم يتوزع في شعري.

ثانيا : اتركه في شعري ليله كامله الى ثاني يوم العصر بعد ماارجع من الشغل بتقولون ماله ريحه اقول لكم ايوه يادوب تبان ريحنه ,خصصت لي وشاح تغطي راسي فيه وبعدها البس الشيله ابي الزيت ياخذ وقت طويل على شعري .
ثالثا : ارجع البيت واكون محظره خلطة اعشاب زيت شابينا من البارح منقعته ومغطيته اغسل شعري من الزيت واتركه يرتاح وينشف غسيل الشعر يكون بالعكس زي الهنود راسي تحت علشان الدم ينزل على البصيلات وغسله.
رابعا : بعد ماينشف الشعر احط عليه الاعشاب واغطي شعري بكيس نايلون واخليه من 3 الى اربع ساعات الموظوع يبي له صبر وعنايه الي يبي الورد يصبر على الشوك وانا مع اصراري توصلت لنتيجه الحمدلله.
خامسا: بعد ماتنشف الاعشاب اغسلها بماي خالي بدون شامبو وبعد ماينشف شعري ادهنه بزيت اللوز علشان مايخشن شعري بس الاطراف .
سااادسا : قبل ماانام اعيد الكره اجلس ادلك شعري بزيت شابينا وهكذا 
ملاحظه: اسبوعيا احط جرجير مع زيت خروع وبيظه وحده في الخلاط واغطي بيه شعري بعدها اغسله.
بديت على هذا البرنامج من شهر رمظان الي فات والى الان وصل شعري الى نصف ظهري مع ان شعري مش من النوع الي يطول بسرعه لكن اكتشفت انه التدليك لمده كافيه واختيار الزيت المناسب لشعري خلى شعري كثيف وطول شبر تقريبا من شهرين بس من استخدامه ماشااه.

اكررررررر : نصيحة مجربه دلكو شعوركم وشوفو الهنود كيف يعطون نفسهم وقت لتدليك شعورهم وربي الزيت لحاله ماينفع لازم تدليك ولمده كافيه .
غيرت نظام اكلي على خفيف بديت اغصب نفسي على الخضراوات الخضره وابتعدت عن النشويات شوفو الهنديات اكلهم كله خضار اغلبيتهم ماياكلون روتي ونشويات واذا اكلو خبز يسونه على بر مش طحين ابيض.
بديت اشرب حليب الصويا استبدلته عن الحليب العادي لانه الصويا غنيه بالبروتينات وهو سر جمال الشعر من الاساس هو ملك وتاج للشعر الصحي والكثيف البروتين.
الثوم ماحطه بشعري ابدا لاني جربته من قبل وطاح شعري واكتشفت انه يعمل زي المظاد لازم تاخذينه في وقته كل مره وانا مااقدر اواظب عليه بانتظام.
امتنعت عن الصبغات والاستشوار تماما واذا مظطره احطه على الهوا بس وانشفه والفه 
الحنا: اخلط حنا عمانيه مطحونه تجيبها صديقة امي واخلطها مع موية شاي مطبوخ بعد ماعجنها احط عليها سدر ومحلب مطحون واخمرها الى ثاني يوم مثلا الجمعه واتركها بشعري واغسل الحنا بدون شامبو.
زيت جوز الهند: لغتي الانجليزيه ساعدتني على فتح مواقع هنديه مختصه بالعنايه بالشعر واكتشفت في اكثر من موقع هندي ليش زيت جوز الهند من اكثر الزيوت استخداما في الهند تعرفون ليش؟ لانه اغنى الزيوت المليئه بالبروتين وفيتامين ه وهم الاساسيان لنمو الشعر ومليئ بالزنك تصورو زنك!! يعني الموجود في الماكولات البحريه وربي فتحت ال يوتيوب وشفت نساء كيرلا يصبون جوز الهند صب على شعورهم وشفتهم كيف يغسلونه ويدلكونه... وحنا نتملل بسرعه وماندلل شعورنا من عذر الشعر يزعل ومايطول يبي له تدليل المسكين...
احمد ربي ومازلت مستمره والله يجزي خير جارتنا الهنديه على نصايحها وزيتها الاكثر من رائع صراحه كل اهلي مندهشين من شعري 
لوتقرون قصتي مع الزيت من خلال مشاركاتي رح تفهمون انا ايش اقصد.



واتمنى لكل وحده قرت موظوعي شعر كثيف وطويل








إقرأ أيضا