جديد الموقع

Loading...

الثلاثاء، 7 فبراير، 2017

و الله العظيم أحسن وصفة جربت فحياتي للشعر التساقط نقص بنسبة 80 % و الرطوبية من المرة الأولى


و الله العظيم أحسن وصفة جربت فحياتي للشعر التساقط نقص بنسبة 80 % و الرطوبية من المرة الأولى
السلام عليكم البنات و الله حتى هادي احسن وصفة جربت فحياتي ديال الشعر كتعطي نتيجة من المرة الاولة نعومة و لمعان و التساقط تيقل بنسبة 80 % و كتخلي ريحة كتحمق فالشعر و مع المداومة كتنبت الشعر و طولو بإختصار حل لجميع مشاكل الشعر و هي كدار مرة فالاسبوع نخليكم مع المكونات– 6 معالق ديال حنا (ماشي ديال البكية قولي للعطار الحنة ديال الشعر)
– 4 معالق السانوج مطحون و مغربل رقيق
– معلقة كبيرة قرنفل مطحون و مغربل رقيق
– معلقة كبيرة قرفة مطحونة و مغربلة رقيق
– معلقة كبيرة الزرودة مطحونة و مغربلة رقيق
– 4 معالق كبار عسل (خودو واحد العسل زوين فمرجان سميتو عسل كل الازهار ثمنو مناسب )– 3 معالق كبار زيت الزنجلان او زيت الكوك او زيت عافية
– صفار بيضة للشعر الجاف او البياض للشعر الذهني




– نص علبة دانون مسوس
– معلقة كبيرة خل التفاح او خل ابيض

ملاحظة : خاص طحنو الاعشاب و تغربلوهم رقيق عاد تاخدو منهم المقادبر لي كتبت ليكم

الطريقة غادي تزيدي الاعشاب مع الحنا و تخلطيهم بما طايبة فيه البصلة ماتكتريش الما غير القدر لي تجمع بيه شوية الحنا عاد تزيدي باقي المكونات و تخليها تخمر ساعة و من بعد دريها لشعرك خصلة خصلة و ديري ليه بوني او ميكة متقوبة باش يتنفس راسك و لبسي فولار غليض و خليها على الاقل اربع ساعات
قبل ما تغسليها و جدي شامبو طبيعي باش تغسلي راسك غدي ديري جوج كيسان عنبة ديال الما فكسرونة حتا يطيب الما و طفي عليه و زيدي ليه شوية ازير و شوية الريحان و شوية السدر و غطي الكسرونة و خليه حتا يبرد و صفيه و ديريه فقرعة الزاج و زيدي ليه ثلاثة ديال المعالق ديال شامبو جونسون و سدي القرعة و مخضيها مزيان و هادا هو السر باش الشمبو يرغوي ليك مزيان فشعرك خاصك تمخضيه مزيان ، ملي دخلي للدوش غسلي شعرك مزيان بالما دافي باش مايلصقش ليك البيض فشعرك بلا ماتستعملي المشطة نهائيا غير بيدك حتا يصفا شعرك من الحنا و ديري الشامبو الطبيعي جوج مرات عادي و شلي شعرك مزيان و نشفيه و دهني الاطراف بزيت الزنجلان او زيت الكوك و ديري باتشا ملي نشف شعرك غادي تنباهري بالنتيجة واحد النعومة بحال الحرير و الشعر تيلمع و الريحة رائعة
اوا غير ماتنسونيش من الدعوات الزونين غير طبقو المقادير و الطريقة و الشامبو الطبيعي و الله حتا غادي تنباهرو بالنتيجة و غادي توليو مدمينات على الوصفة ديىروها مرة فالاسبوع فقط
ملاحظة : ماتخافوش من الحنا تنشف ليكم شعركم حتا انا الحنا كتنشف ليا شعري و لكن فهاد الوصفة خلاتو ناعم حريري حينت سبحان الله العسل ماكيخليش الحنا تنشف الشعر بالعكس كترطبو مزيان اوا اراكم للسوالف و دعيو معايا من قلبكم راني كنبغي ليكم الخير و لي كنجربها و تنفعني كنجري نكتبها ليكم 

إقرأ أيضا